Hoz gabyklaryndan döredilen bioýangyja gämiler üçin adaty ýangyjyň takmynan üçden birini çalşyp bolar. Ýangyç bilen geçirilen synaglar üstünlikli geçdi.
Daniýanyň “MASH Makes” kompaniýasy özboluşly bioýangyç öndürdi diýip, “New Scientist” habar berýär. Ol keşýunyň, ýagny hindi hozunyň gabygynyň ýagyna esaslanýar. Täze önüm eýýäm Norwegiýanyň “United Europe Car Carrier” transport kompaniýasy tarapyndan synagdan geçirildi.
Alymlar hozlaryň ekologik ýangyjyny döretmek üçin amatlydygyny anykladylar. Gabykda dürli önüm öndürmek üçin ulanylýan ýörite ýag bar. Mysal üçin, boýag üçin ingredientler ýasamak üçin ulanylýar. Görnüşi ýaly, bu madda ýangyç üçin hem peýdalydyr. Alymlar nebitiň nusgawy ýangyç görnüşlerini bölekleýin çalşyp boljakdygyny anykladylar. Adaty ýangyç bilen deňeşdirilende atmosfera zyňyndylary 90% azaldar. Şol bir wagtyň özünde, nebiti gaýtadan işlenende, topragy baýlaşdyrmak üçin amatly biokömür hökmünde galar,. 30% hoz gabygynyň ýagyndan durýan täze ýangyç garyndysy, Birleşen Ýewropa awtoulag gatnawçylary tarapyndan synagdan geçirildi. Birnäçe gämä ýangyç guýuldy, soňra deňizde 500 sagatdan gowrak wagt geçirildi. Hünärmenler synagyň netijelerini üstünlikli yglan etdiler.
Şeýle-de bolsa, täze bioýangyç ulanylanda dürli nuanslar bar. Mysal üçin, hoz ýagynyň mukdary dünýä senagatynyň zerurlyklaryny kanagatlandyrmak üçin ýeterlik däl. Mundan başga-da, klassiki ýangyç görnüşlerini täze ýangyç bilen çalyşmak kyn. Birleşen Ýewropa awtoulag gatnawçylarynyň energiýa we durnuklylyk dolandyryjysy Daniel Gent, hoz gabygynyň ýagynyň gämi gatnaw pudagynda adatça ulanylmaýandygyny aýtdy. Şeýle materiallaryň deňiz inženerleriniň arasynda abraýynyň pesdigini aýtdy. Belki-de ýagdaýyň üýtgejekdigi we geljekde ýangyçda has köp suwuklygyň ulanylmagynyň mümkindigi aýdyly.
Aýgül HALLYÝEWA,
Türkmen oba hojalyk institutynyň talyby
