Hytaý awtoulag öndürijilerini awtoulag önümçiliginde awtoulag gapylaryny talabalaýyk tutawaçly öndürmäge borçlandyrdy: gizlin gapy tutawaçlary 2027-nji ýyldan başlap gadagan ediler. Çünki, Hytaýda ýol-ulag heläkçiligi wagtynda adamlary halas etmek üçin awtoulag gapylarynyň tutawaçlaryna berk talaplar girizilýär.
Hytaý howpsuzlyk maksatlary sebäpli awtomobillerde gizlin gapy tutawaçlaryny ulanmagy gadagan etmek barada karar kabul eden dünýäde ilkinji ýurt boldy. Bu barada The Straits Times neşiri habar berýär.
Hytaýyň Senagat we maglumat tehnologiýalary ministrligi tarapyndan 2-nji fewralda neşir edilen täze howpsuzlyk düzgünlerine görä, ýurtda satylýan ähli awtomobiller gapylary hem içinden, hem daşyndan açmaga mümkinçilik berýän mehaniki tutarlar bilen üpjün edilmelidir.
Edara düzgünleriň güýçlendirilmeginiň birnäçe esasy sebäplerini görkezýär:
- Çaknyşykdan soň ulgamyň tokdan kesilmegi ýa-da korpusa zyýan ýetmegi sebäpli gapylary açmagyň mümkin bolmazlygy;
- Gizlin gapy tutarlarynyň kynlyk bilen tapylmagy we ulanmaga oňaýsyzlygy (bu ýagdaý adatdan daşary ýagdaýlarda ýolagçylaryň ömri üçin howp döredip biler);
- Dürli ýagdaýlarda bu tutarlaryň iş ukybyny ýitirmegi.
Täze düzgünler 2027-nji ýylyň 1-nji ýanwaryndan başlap güýje girer. Eýýäm gözegçilik ediji edaranyň tassyklamasyny alan ýa-da önümçilige goýbermegiň soňky tapgyrynda duran modellere bolsa gurluşyny üýtgetmek üçin 2029-njy ýylyň ýanwaryna çenli wagt berildi.
