Wamos Air ispan awiakompaniýasynyň uçarlary Daşoguz şäheriniň halkara howa menzilinde tehniki duralga edip başladylar. Awiakompaniýanyň howa gämileri Ýewropadan Aziýa we yzyna uçuş edenlerinde Türkmenistanda ýangyç guýduryp geçerler diýip, türkmen metbugaty habar berýär.
Wamos Air 2003-nji ýylda döredildi we öň Pullmantur Air adyny göterýärdi. Awiakompaniýanyň ştab-kwartirasy Madridde ýerleşýär. Awiakompaniýa uzak aralyklara ýolagçy gatnawlaryny amala aşyrmaklyga ýöriteleşýär.
Koprak oka
Häzirki zaman infrastrukturasy Türkmenistana daşary ýurtly awiagatnadyjylara ýokary hilli hyzmatlary hödürlemäge mümkinçilik berýär. Ýurdumyzyň howa menzilleriniň aglabasy ýokary geçirijilik kuwwatyna hem-de halkara derejesine eýedir.
