Italiýaly alymlar uçarmansyz uçýan enjamlardan (dron) alnan maglumatlary seljerip, üzüm hasylynyň mukdaryny çaklamaga mümkinçilik berýän usuly işläp düzdüler. Aerofoto düşürmelerine esaslanýan tehnologiýa Toskana sebitindäki üzümçiliklerde synagdan geçirildi we anyk netijeleri berdi. Taslama Italiýanyň Milli barlag geňeşiniň Bioykdysadyýet institutyndan Jorjiýa Orlandi ýolbaşçylyk etdi. Netijeler hünärmenler tarapyndan ýokary baha eýe boldy. Bu tehnologiýany işläp düzmek ugrunda Milli barlag geňeşi bilen Modena we Rejo-Emiliýa uniwersitetiniň alymlary bilelikde işlediler.
Olar dronlardan alnan suratlary işläp taýýarlaýan awtomatlaşdyrylan usuly döretdiler. Synag işleri 2021-2022-nji ýyllarda Siena şäheriniň golaýyndaky «sanjoweze» sortly dört sany üzüm bagynda geçirildi. Netijede, ahyrky hasyl maglumatlary çaklamalar bilen gabat geldi. Üzümçilik meýdanlarynda dronlar üçin ýörite reňkli bellikler ýerleşdirildi.
Algoritm alnan suratlary seljerip, üzümleriň pikselleriniň mukdaryny tapawutlandyrdy we hasylyň mukdaryny ýörite formula arkaly hasaplady. Bu usul üzümçilik bilen meşgullanýanlaryň işini ýeňilleşdirmegi wada berýär, sebäbi hasylyň mukdaryny öňünden anyk kesgitlemäge mümkinçilik döredýär. Öň belleýşimiz ýaly QGIS häzirki zaman programmasynda oba hojalyk meýdanlaryny ölçemek hasylyň göwrümini kesgitlemek bolýar. Diňe üzüm meýdançasy däl eýsem ýyllyk hasyllary hem öňünden çaklama usuly bilen hasaplap bolar.
Türkmen oba hojalyk instituty
4-nji ýyl talyby Aşyrgulyýewa Aýjemal
 alnan maglumatlary seljerip, üzüm hasylynyň mukdaryny çaklamaga mümkinçilik berýän){kind=link}