Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýetiren Rýu Çže-çhol eýelär.
Täze baş direktor bu wezipede dört ýyllap oturan Çho Çžu-wanyň ornuny çalşar. Ol LG Electronics kompaniýasyna 1989-njy ýylda, heniz Goldstar diýlip atlandyrylýan döwründe işe girdi we ilkinji ýyllarynda ylmy-barlag bölüminde işledi.
Günorta Koreýanyň ägirdiniň esasy girdeji çeşmesi bolan Öý Tehnikasy bölümine Rýu Çže-çhol 2021-nji ýylda ýolbaşçylyk etmäge başlady.
Kadr üýtgeşmeleriniň çäginde jemi 34 adam, şol sanda iki prezident, iki wise-prezident we dokuz uly wise-prezident wezipesinde ýokarlandyryldy ýa-da başga wezipelere geçirildi. Ýolbaşçylygyň pikirine görä, bu üýtgeşmeler sarp edijileriň isleginiň üýtgeýän we bäsdeşligiň artýan şertlerinde kompaniýanyň durnukly ösüşini üpjün etmelidir.
