Nemes awtoulag ägirdi “Mercedes” önümleriniň arasynda iň gymmat elektrik awtoulagyny öndürip başlady. “Mercedes-Benz EQS SUV” kompaniýanyň Alabama desgasyndaky önümçilik liniýasyna çykýar.
ABŞ-da “Mercedes-Benz EQS” kysymly ulagyň önümçiligi başlandy. Nemes markasynyň flagman elektrik ulagy güýz aýyndan 110,000 ýewro satuwa çykarylar we kompaniýanyň iň gymmat elektrik awtoulagy bolar.
Alabamadaky desga ABŞ-nyň içerki bazary we eksporty üçin “Mercedes EQS” kysymly awtoulag öndürer. Bu zawodda ulagyň ekwiwalenti bolan “Mercedes-Benz GLS” -iň hem öndürilýändigini ýatladýarys. Iki model birmeňzeş platforma paýlaşýar.
“Mersedesiň” diňe elektrik awtoulaglaryny öndürjek senesi yglan edildi
“Mercedes-Benz EQE” ulagy hem şol bir ýerde öndüriler
Täze “Mercedes-Benz EQS” premium doly göwrümli ulag hökmünde tapawutlanýar. 5.1 metrlik ulagyň aerodinamiki dizaýny bar. Bäş we ýedi orunlyk görnüşde hödürlenjek awtoulagyň öňdäki konsolynda üç bölekden ybarat uly ekran bar.
Ulag yzky tigirli we ähli tigirli hereketlendiriji bilen 360 we 544 at güýji görnüşinde bolar. Olaryň hemmesine 609-dan 671 km aralygy wada berýän 108 kWt batareýa bolar.
