Häzirki zaman tehnologiýa dünýäsinde enjamlaryň diňe bir apparat üpjünçiligi däl, eýsem programma üpjünçiligi hem uly ähmiýete eýedir. Şu nukdaýnazardan, Oppo kompaniýasy özüniň täze nesil ColorOS 16.1 interfeýsini resmi taýdan tanyşdyrdy. Android 16 operasion ulgamynyň binýadynda gurlan bu täze sürüm, ýönekeý bir täzelenme bolman, eýsem smartfonyň ulanşyny akylly we has ýakymly edýän siber-premium ulgamdyr.
ColorOS näme?
ColorOS — bu Oppo tarapyndan Android operasion ulgamynyň üstüne gurlan ýörite interfeýsdir. Ol telefonlaryň dizaýnyny, işjeňligini we öndürijiligini kesgitleýän esasy programma gatlagydyr. ColorOS arkaly ulanyjylar has durnukly animasýonlara, energiýany tygşytlaýjy ulgamlara we ýöriteleşdirilen kamera mümkinçiliklerine eýe bolýarlar. Täze 16.1 wersiýasy bolsa bu tejribäni emeli aňyň kömegi bilen täze bir basgançaga çykarýar.
Live space: ähli maglumatlar bir ýerde
Täze interfeýsiň iň özüne çekiji aýratynlygy bolan Live Space, ekranyň aşaky böleginde kapsula görnüşli interfeýs hökmünde peýda bolýar. Bu täzelik navigasiýa maglumatlaryny, saz dolandyryşyny we beýleki janly işjeňlikleri ekranyň gulpuny açmazdan görmäge mümkinçilik berýär. Bu dizaýn durnuklylygy we ulanyjy amatlylygyny siber-premium derejesine ýetirýär.
Aşakdaky düwmä basyp, Google Discover arkaly biziň ýörite seljerme we iň soňky täzeliklerimizi yzarlaň.
MindPilot ai: has akylly şahsy kömekçi
ColorOS 16.1 sürüminiň merkezinde täze MindPilot emeli aň ulgamy durýar. Ol ulanyjynyň endiklerini seljerýär we enjamdaky maglumatlary baglanyşyklylykda bahalandyrýar. Mundan başga-da, bu ulgam OpenAI ChatGPT, Google Gemini we Perplexity ýaly dünýä derejesindäki emeli aň modelleri bilen utgaşykly işläp bilýär.
Kamera we işewürlik üçin täze çözgütler
Oppo täze sürümde kamera interfeýsini doly täzeledi. Modern dizaýn, durnukly fokus dolandyryşy we has çalt elýeterli menýular surata we wideo düşürmegiň hilesini has-da ýokarlandyrdy. Şeýle hem, AI dokument skaneri gölegeleri we ýalpyldylary awtomatiki arassalap, el ýazmalaryny Word formatyna takyk geçirip bilýär.
Täze ColorOS 16.1 ilkinji gezek OPPO Find X9 seriýasynyň smartfonlarynda ulanylyp başlandy we ýakyn wagtda beýleki modellere hem paýlanar.
