2024-nji ýylyň 13-nji sentýabrynda özüniň on ýyllygyny bellän Redmi brendi şu aýyň dowamynda täze önümi «Redmi Note 14» smartfonyny hem köpçülige tanyşdyrmagy meýilleşdirýär. Bu barada «ixbt.com» web sahypasynda habar berildi.
Ýakynda tanyşdyryljak seriýa «Redmi Note 14», «Redmi Note 14 Pro» we «Redmi Note 14 Pro +» modelleri öz içine alar: «Pro» modellerinde «Snapdragon 7s Gen 3» we «Dimensity 7350» prosessorlary bar.
Habarlara görä, «Pro» seriýasynda 1,5 dýuým egri ekran görkeziler, bu öňki 13 seriýanyň dizaýn bitewiligini saklap, şu ýyl egri ekrany görkezjek seriýadaky ilkinji model bolar.
Şeýle hem, «Pro» seriýasynda, «Xiaomi» nyşanyny ýada salýan dizaýn we ýokary derejeli enjamlara gönükdirilen umumy estetika, merkeze gurlan üç sany uly kameraly gurnama meýilleşdirilýär. «Pro» modellerinde esasy kamera 50 megapiksel bolar diýlip garaşylýar
Kompaniýanyň ýolbaşçylarynyň bellemegine görä, täze enjamlar täsirli çydamlylyga, ygtybarly suw garşylygyna, batareýanyň ömürliligine we kanagatlanarly ýerine ýetirijiligine eýe bolar.
«Redmi Note 14» seriýasynyň satuwy barada entek anyk maglumat ýok. Dünýä bazarlary ony 2025-nji ýylyň birinji çärýeginde alyp bilerler.
