Hytaýyň Robotera kompaniýasy Hytaý Täze ýyly — Alawly At ýyly mynasybetli taýýarlan täze wideosyny paýlaşdy. Wideoda L7 atly adampisint robotyň gadymy hytaý gylyç tansyny ussatlyk bilen ýerine ýetirişi görkezilýär.
Sinhua uniwersiteti bilen bilelikde döredilen L7 robotynyň boýy 171 sm, agramy bolsa 65 kg. Onuň göwresi berk we ýeňil bolmagy üçin titan hem-de uglerod süýüminden ýasaldy. Robotyň iň uly aýratynlygy — onuň biri-birine bagly bolmazdan hereket edýän 55 sany bognunyň bolmagydyr.
Robotyň gollary 7, barmaklar 12 (bu oňa gylyjy gaty takyk tutmaga mümkinçilik berýär), bil we ýeňse bölegi 6 sany hereket derejesine eýedir.
Gylyç tansy diňe bir el hereketlerini däl, eýsem böküşleri we ugryny tiz üýtgedip, deňagramlylygy saklamagy hem talap edýär. L7 robotynyň emeli aň ulgamy hakyky wagtda robotyň agram merkezini hasaplap, inersiýany dolandyrýar. Bu bolsa robotyň hatda ýokary tizlikde-de ýykylman, çylşyrymly hereketleri takyk ýerine ýetirmegine ýardam edýär.
