Las-Wegasda «CES 2024» diýen at bilen badalga alan elektron tehnologiýalarynyň sergisinde «Samsung» kompaniýasy «MicroLED» atly täze ekrany bilen tanyşdyrdy. Bu barada «iphones.ru» web saýtynda habar berildi.
«Transparent MicroLED» — bu daşy çarçuwasyz, bütinleý aýna görnüşindäki modully LED ekran. Önümi öndüriji kompaniýanyň wekilleri şu tehnologiýany döretmek üçin 6 ýyl çemesi wagtyň gerek bolandygyny belleýärler.
Aňyrsy görünýän aýna görnüşindäki yşyk-diodlary mazmun bilen hakykatyň arasyndaky tapawudy duýmazdan, täze tomaşa tejribesiniň jümmüşine aralaşmaga mümkinçilik döredýär.
Serginiň täze önümini gören myhmanlar aňyrsy görünýän aýna displeýdäki mazmunyň howada ýüzýän gologramma meňzeýändigini aýdýarlar.
