Stellantis awtokonserni bütindünýä awtoulag bazarynda satylan 375 müň sany Jeep Wrangler we Jeep Grand Cherokee gibrid ulaglaryny akkumulýator batareýalarynda ýangyn döremek howpy sebäpli yzyna alýandygyny, CNN internet neşiri habar berdi.
Yzyna almak 2020–2025 ýyllar aralygynda öndürilen Jeep Wrangler modellerini hem-de 2022–2026 ýyllaryň Jeep Grand Cherokee modellerini öz içine alýar.
ABŞ-nyň Ýol hereketiniň howpsuzlygyny dolandyryş Milli gullugyna (NHTSA) iberilen hasabata görä, kompaniýa Samsung SDI tarapyndan öndürilen batareýalar bilen bagly 19 şikaýat aldy. Bu ýagdaýlaryň arasynda bir adamyň şikes alandygyny hem mälim etdi.
Stellantis ähli näsaz batareýalary mugt çalyşmagy wada berdi, ýöne işiň belli bir wagt aljakdygyny aýtdy. Batareýalar çalşylýança, kompaniýa ulag eýelerine ulaglaryny jaýlardan we beýleki binalardan uzakda saklamagy we wagtlaýynça zarýad bermezligi maslahat berýär.
Bu çäre ýangyn töwekgelçiliginiň öňüni almaga gönükdirilendir.
