Täze Mercedes-Benz S-Klasy: Taryhyndaky iň uly täzelenme we emeli aň güýji

Awtoulag dünýäsiniň lýuks segmentiniň “baýdak göterijisi” hasaplanýan Mercedes-Benz S-Klasy, taryhyndaky iň giň gerimli täzelenmäni aldy. Karl Benz-iň awtoulagy oýlap tapmagynyň 140 ýyllygyna bagyşlanan bu täze modelde, ulagy emele getirýän şaýlaryň 50%-den gowragy doly täzelendi.

Ine, täze S-Klasyň ünsi çekýän “akylly” aýratynlyklary:

Gijäni gündize öwürýän yşyklar

Ulagyň daşky dizaýnynda ilkinji göze ilýän üýtgeşiklik – öňki modellerden 20% has uly we ýagtylandyrylan ýyldyzly gözenek (reşýotka). Täze “Digital Light” tehnologiýasy we mikro LED-ler arkaly yşyklandyryş meýdany 40% giňeldildi. “Ultra Range” uzyn faralar bolsa, garşydan gelýän sürüjiniň gözüni gamaşdyrman, 600 metre çenli aralygy aýdyň görmäge mümkinçilik berýär.

Mersedes-Benz Dubaýdaky taslama bilen gozgalmaýan emläk bazaryna girýär

“Ýöreýän Superkompýuter”: MB.OS we Emeli Aň

Ulagyň beýnisi, Mercedes-iň öz işläp düzen MB.OS işletim ulgamydyr. Bu ulgam, ulagy adeta bir superkompýutere öwürýär. Iň wajyp täzelik bolsa emeli aňda: MBUX Sanal Kömekçisi, indi ChatGPT we Google Gemini ýaly ösen dil modellerini ulanýar. Bu bolsa sürüjä ulag bilen edil adam ýaly tebigy gepleşmäge mümkinçilik berýär.

Ýokary Derejeli Komfor we Howpsuzlyk

• MBUX Superscreen: 14,4 dýuýmlyk merkezi ekran we ýolagçy ekrany ýeke-täk aýna astynda birleşdirilip, geljegiň dizaýnyny hödürleýär.

• Gyzgyn Kemerler: Howpsuzlyk kemerleri indi 44 derejä çenli gyzyp bilýär.

• Arassa Howa: Kabina howasy her 90 sekuntdan bir ionlaşdyrylyp arassalanýar.

• Gibrid Güýji: Täze model, elektrikli modunda 100 km menzil (ýol) geçip bilýän gibrid opsiýasyny hem hödürleýär.