Täze Toyota Land Cruiser 300 gibridi 2026-njy ýylyň mart aýynda satuwa çykarmak meýilleşdirilýär. Lexus LX700h-iň satuwy bolsa şu ýylyň birinji ýarymynda başlar.
Awstraliýada Toyota Land Cruiser 300 gibridini satuwa çykarmaga taýýarlanylýar. Ol bazarda SUV ulagyň iň gymmat görnüşi bolup, bahasy boýunça hatda Lexus LX500d Luxury-dan hem öňe geçer.
Tehniki taýdan model Lexus LX700h-i gaýtalaýar: ol 341 kWt kuwwaty we 790 Nm aýlanma güýjüni berýän gibrid enjam bilen iki turbinaly 3,5 litrlik V6 benzin hereketlendirijisine eýe bolar. Elektrikleşdirilen hereketlendiriji diňe Sahara GX we GR Sport wersiýalarynda oturdylar. Deslapky hasaplamalara boýunça, gibridiň bahasy, takmynan, 112 müň ABŞ dollaryna barabar. Bu bolsa başlangyç Lexus LX500d Luxury-nyň bahasyndan (109 müň dollar) ýokarydyr.
Gibrid V6-nyň ýangyç sarp edişi 100 km üçin 10,0 litre deň. Deňeşdirmek üçin, benzin V6 11,9 litr sarp edýär, dizel enjam bolsa 8,9 litr görkezijisi bilen iň tygşytlysy bolup galýar. Şol bir wagtyň özünde, çekiş mümkinçilikleri üýtgewsiz galdy – awtomobil 3500 kg çenli agramdaky tirkegi çekip bilýär.
Land Cruiser 300 gibridi 2026-njy ýylyň martynda satuwa çykarmak meýilleşdirilýär. Lexus LX700h-iň satuwy bolsa şol ýylyň birinji ýarymynda başlar.
