Türkmenistanyň Bilim ministrliginiň habaryna görä, Ýagşygeldi Kakaýew adyndaky Halkara nebit we gaz uniwersitetinde 2024-nji ýylyň 7-8-nji dekabrynda Ýaşlaryň robot tehnologiýalary boýunça bäsleşiginiň geçiriljekdigini yglan edildi.
Bäsleşik robot tehnologiýalary ugry boýunça zehinli ýaşlary ýüze çykarmaga we goldamaga gönükdirilendir. Gatnaşyjylar dört dürli ugur boýunça öz başarnyklaryny görkezmelidir:
- Sumo robotlaryň bäsleşigi
- “Labirint” bäsleşigi
- Topar taslamalarynyň bäsleşigi
- Ak fonda gara çyzyklar boýunça hereket edýän robotlaryň bäsleşigi
Bäsleşige mekdep okuwçylary, talyp ýaşlar we 30 ýaşa çenli bolan ýaşlar çagyrylýar. Möhüm şert – gatnaşyjylar ýurdumyzyň bilim ýa-da ylym edaralary tarapyndan hödürlenmeli.
Gatnaşyjylaryň hasaba alnyşy eýýäm başlandy we QR kod arkaly amala aşyrylýar. Gatnaşmak isleýänler goşmaça maglumaty şu telefonlar arkaly:
39-14-82, 39-14-29,
+993 64 47-75-47
ýa-da robotyarysh2024@gmail.com elektron poçta arkaly alyp bilerler.
