Vivo kompaniýasy täze Y500 Pro modelini hödürledi. Täze enjam flagman derejeli X300 seriýasyny ýada salýan bezegi bilen tapawutlanýar. Orta synp üçin döredilen bu smartfon, bahasy bilen ýerine ýetirijiliginiň deňagramlylygy boýunça hakykatdan hem aýratyn orunda durýar.
Vivo Y500 Pro — uzaga çeken batareýa güýji, güýçli kamera mümkinçilikleri we elýeterli bahany birleşdirýän enjam hökmünde tanadyldy. Telefon, 200 megapiksel sensorly iň arzan professional kameralaryň biri hökmünde-de öňe çykýar.
Wersiýalary we bahalary şu aşakdaky ýaly:
- 8 GB + 128 GB: 250 dollar
- 8 GB + 256 GB: 280 dollar
- 12 GB + 256 GB: 325 dollar
- 12 GB + 512 GB: 365 dollar
vivo Y500 Pro: Tehniki aýratynlyklary
- Prosessor: MediaTek Dimensity 7400
- Ekran: 6,67 dýuým AMOLED, 1.5K çözgüt
- Ölçegi: 198,6 × 74,51 × 7,81 mm
- Batareýa: 7.000 mAh, 90W tiz zarýad goldawy
- Operasion ulgam: Android 16 + OriginOS 6
- Esasy kamera: 200 MP Samsung HP5 sensor (OIS goldawy, 30 esse ýakynlaşdyrma)
- Goşmaça kamera: 2 MP çuňluk sensory
- Öň kamera: 32 MP
Täze 200 megapiksel esasly kamera, öňki modele garanyňda 1,56 esse köp ýagtylyk kabul edip bilýär we pes ýagtylykda hem has ýokary hilli surat alyp bilýär.
Berklik we gorag taýdan, enjam IP68/IP69 sertifikatyna eýe bolup, tozana hem-de suwa garşy goraglydyr. Mundan başga-da, telefonda NFC goldawy bar.
Umuman aýdanyňda, uly göwrümli batareýasy, çydamly gurluşy we 200 megapiksel kamerasynyň güýji bilen vivo Y500 Pro, orta synp smartfonlary arasynda güýçli alternatiwa hökmünde tapawutlanýar.
