2012-nji ýylda Garward uniwersitetiniň talyp türgeni Will Ahmed, türgenlere saglygyna we dynç alşyna has gowy düşünmek üçin WHOOP platformasyny esaslandyrdy. WHOOP merkezi Massaçusets ştatynyň Boston şäherinde ýerleşýän Amerikan tehnologiýa kompaniýasy bolup, ol 2021-nji ýylyň awgust aýynda 3,6 milliard dollar bahasy bolan SoftBank wençura gaznasyndan 200 million dollar gazandy.
Kompaniýanyň esasy önümi, beden maşklary, saglygy dikeldiş we ukyny ölçeýän beden gözegçilik (fitnes treker) enjamydyr. Bu enjam türgenler tarapyndan ulanylmagy bilen meşhurdyr. Enjam adam saglygyna gözegçilik etmek we hatda keselleri ýüze çykarmak üçin ulanylýar. Bu enjam adamyň saglygy bilen baglanyşykly fiziki we psihologiki işjeňligi baradaky maglumatlary ýygnamak we ýatda saklamak wezipesini öz içine alýar.
Bu enjam, ulanyjylar üçin gündelik saglygy dikeldiş balyny döretmek üçin uky, ýürek urşunyň üýtgemegi, dynçlykdaky ýürek urşy we dem alyş tizligi barada maglumatlary ýygnaýar. Dikeldiş ballary ulanyjylara bedeniniň yzygiderli sport bilen meşgullanmalydygyny ýa-da dynç almalydygyny habar bermek üçin 0% -den 100% aralygynda görkezýär.
2023-nji ýylyň sentýabr aýynda WHOOP şahsy saglyk we bedenterbiýe tälimini bermek üçin OpenAI kompaniýasy tarapyndan işleýän “WHOOP tälimçisi” atly täze bir aýratynlyk döretdi. Bu aýratynlyk, ulanyjylara programma bilen aragatnaşyk saklamaga, we saglyk ýagdaýlaryny ara alyp maslahatlaşmaga mümkinçilik berýär. WHOOP-da ekran ýa-da düwmeler ýok. WHOOP her aýda abuna tölegi alýar; enjam abuna ýazylmazdan ulanyjynyň saglyk ýagdaýyny yzarlamagy bes edýär we ulanyja günde 100 megabaýt maglumat ýygnaýar; ähli maglumatlary ulanyjynyň smartfonynda görüp bolýar.
Döwlet HALLYÝEW,
Türkmen oba hojalyk institutynyň talyby
