Windows 10, Windows 11 işleýän enjamlara garanyňda takmynan üç esse köp howpsuzlyk töwekgelçiligine sezewar bolýandygyny görkezýär.
IT aktiwlerini dolandyrmak bilen meşgullanýan Lansweeper kompaniýasynyň millionlarça enjam boýunça geçiren seljermesine görä, adaty bir Windows 10 kompýuterinde ortaça 1 903 işjeň howpsuzlyk gowşaklygy (CVE) bar. Windows 11 kompýuterlerinde bolsa bu görkeziji ortaça 652 bolup, tapawut üç esse golaýdyr.
Hasabatda Windows 10-daky gowşaklyklaryň 66,6%-iniň ýokary ýa-da örän ýokary howp derejesine degişlidigi bellenilýär. Olaryň käbirleri kiberjenaýatçylar tarapyndan eýýäm iş ýüzünde ulanylýar. Goldawyň tamamlanmagy sebäpli bu gowşaklyklaryň köpüsine indi resmi howpsuzlyk täzelenmeleri hem çykarylmaýar.
Geçiş depgini haýallady
Seljerme görä häzirki wagtda Windows enjamlarynyň 78,8%-i Windows 11 ulanýar. Şeýle-de bolsa, Windows 10-dan geçmedik enjamlaryň sany henizem ep-esli bolup galýar. Esasan hem kiçi we orta telekeçilik kärhanalary çykdajylar sebäpli täze ulgama geçmegi yza süýşürýärler.
Iň töwekgelçilikli pudaklar
Windows 10 ulanylyşy iň ýokary bolan pudaklar:
- Saglygy goraýyş we derman senagaty — 23%
- Söwda we retail pudagy — 22,7%
- Senagat we önümçilik — 18%
Bu pudaklarda köne enjamlaryň we ýörite enjamlaryň köp ulanylmagy täze ulgama geçmegi kynlaşdyrýar.
Diňe howpsuzlyk däl, eýsem maliýe töwekgelçiligi hem
Hasabatda goldawy tamamlanan operasion ulgamlary ulanmagyň diňe kiberhowpsuzlyk meselesi bolman, eýsem ISO 27001, PCI DSS we NIS2 ýaly halkara talaplaryna laýyklyk meselesine hem täsir edýändigi aýdylýar. Käbir kiberätiýaçlandyryş kompaniýalary goldawy gutaran ulgamlary ulanýan müşderileriň öwezini dolmak talaplaryny ret edip bilerler.
Hemme kompýuterler täzelenip bilýärmi?
Lansweeper-iň maglumatlaryna görä, Windows 10 işleýän kompýuterleriň diňe 2,8%-i Windows 11 talaplaryny enjam derejesinde kanagatlandyrmaýar. Diýmek, galan enjamlaryň köpüsi tehniki taýdan täze ulgama geçip bilýär, emma dürli sebäpler bilen täzelenme gijikdirilýär.
Hünärmenleriň pikiriçe, Windows 10-da galýan enjamlaryň sany azalsa-da, galan kompýuterler häzirki wagtda guramalaryň iň uly howpsuzlyk töwekgelçilikleriniň birine öwrülýär.
