BAKY BITARAPLYK – KÖŇÜL BUÝSANJYM

Berkarar döwletiň täze eýýamynyň Galkynyşy döwründe ýe­ne bir şatlykly baý­ram­çy­ly­k — Hal­ka­ra Bi­ta­rap­lyk gü­nüniň 29 ýyllygy eziz ýurdumyzda uly dabara bilen bellenilýär. “Pähim-paýhas ummany Magtymguly Pyragy” ýylynda Arkadagly Gahryman Serdarymyzyň pa­ra­sat­ly baş­tu­tan­ly­gyn­da bedew bady bi­len öňe bar­ýan hemişelik Bi­ta­rap Türk­me­nis­tan döw­le­ti­mi­ziň at-ab­ra­ýy, şan-şöhraty bar­ha beýgelýär. Türkmenistan Birleşen Milletler Guramasy bilen işjeň hyzmatdaşlyk alyp barýar. Mu­nuň özi ata-ba­ba­la­ry­my­zyň ýol-ýö­rel­ge­si­ne öw­rü­len hoş­niýetli­li gat­na­şyk­la­ryň do­wam edýändiginiň aýdyň nyşanydyr.

1992-nji ýylyň 2-nji martynda Birleşen Milletler Guramasynyň Baş Assambleýasynyň 46-njy sessiýasynyň 82-nji mejlisinde Türkmenistanyň Birleşen Milletler Guramasynyň deňhukukly agzalygyna kabul edilýändigi hakynda karar kabul edildi. 1995-nji ýylyň 12-nji dekabrynda Birleşen Milletler Guramasynyň Baş Assambleýasy 185 döwletiň, şeýle-de 2015-nji ýylyň 3-nji iýunynda Birleşen Milletler Guramasynyň Baş Assambleýasynyň 69-njy mejlisinde 193 döwletiň biragyzdan goldamagynda “Türkmenistanyň hemişelik Bitaraplygy” atly Rezolýusiýa ikinji gezek kabul edildi. Bu seneler Milletler Bileleşiginiň taryhynda hem möhüm sahypa öwrüldi. Hormatly Prezidentimiziň başlangyjy bilen 12-nji dekabr Birleşen Milletler Guramasynyň Baş Assambleýasy tarapyndan Halkara Bitaraplyk güni diýlip yglan edilmegi ýurdumyzda, şeýle-de bütin Ýer ýüzünde ähmiýetli waka öwrüldi.

Ýer ýüzünde parahatçylygy, dostlugy ösdürmek, dostana goňşuçylyk gatnaşyklaryny has-da rowaçlandyrmak barada edýän aladalary üçin Gahryman Arkadagymyza hem-de Arkadagly Gahryman Serdarymyza alkyş aýdýarys. Goý, Gahryman Arkadagymyzyň we hormatly Prezidentimiziň janlary sag, ömürleri uzak bolsun, alyp barýan il-ýurt bähbitli, döwlet ähmiýetli beýik işleri rowana ýollarda rowaçlyklara beslensin!

ORAZGÜL GAÝYPOWA,

Türkmen oba hojalyk institutynyň talyby