«Balkan» gämi gurluşyk we gämi abatlaýyş zawody» açyk görnüşli paýdarlar jemgyýeti esasy iş ugrundan başga-da sowalnamalary, tekstleri we beýleki resminamalary dürli dillere terjime etmek ýaly täze hyzmaty teklip edýär. Bu barada «Türkmenistan: Altyn asyr» elektron gazeti habar berdi.
Bu bolsa kompaniýanyň hyzmatlarynyň gerimini giňeltmäge, daşary ýurtly müşderiler bilen gatnaşyklaryň netijeliligini ýokarlandyrmaga we halkara hyzmatdaşlygy pudagyna goşulyşmaga mümkinçilik berer.
Täze hyzmat ýöriteleşdirilen tekstleriň ýokary hilli we çalt terjimesine mätäçlere peýdaly bolar. Esasy önümçiligine üns bermek bilen «Balkan» zawody müşderilere meseleleriň hemmetaraplaýyn çözülmegini üpjün edip, mümkin boldugyça has giň hyzmatlary hödürlemäge çalyşýar. Şol bir wagtyň özünde, müşderiler tarapyndan berilýän ähli maglumatlaryň gizlinligi berk berjaý edilýär.
