Türkmen topragynda müňýyllyklaryň dowamynda kämilleşip gelen we häzirki wagtda hem halkymyzyň buýsanjy bolan türkmen bedewleri, diňe bir atçylyk sungatynyň däl, eýsem, türkmen halkynyň ruhy we medeni mirasynyň hem aýrylmaz bölegidir. Bedewler biziň geçmişimiziň, şu günümiziň we geljegimiziň bezegidir.
Türkmen atlarynyň taryhy müňlerçe ýyl mundan ozal başlanypdyr. Olar gadymy döwürlerden bäri halkymyzyň wepaly söweş ýoldaşlary we baýramlaryň bezegi bolupdyr. Göktürkmenler, seljuklar we beýleki taryhy nesiller türkmen bedewlerini özleriniň iň gymmatly baýlygy hökmünde saklapdyrlar. Türkmen bedewi diňe bir ýyndamlygy bilen däl, eýsem, çydamlylygy, owadanlygy we akyllylygy bilen hem tapawutlanypdyr.
Bedewler diňe bir atçylyk sungatynyň däl, eýsem, türkmen halkynyň ruhy we medeni durmuşynyň hem aýrylmaz bölegi bolup durýar. Olar türkmen halk döredijiliginde, şygyrýetinde we nakyllarynda giňden wasp edilýär. “At – adamynyň ganaty” diýen halk nakyly hem türkmen halkynyň atlara bolan belent sarpasyny görkezýär.
Türkmen Halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň parasatly ýolbaşçylygynda türkmen bedewleriniň dünýä derejesinde tanalmagy üçin uly işler durmuşa geçirilýär. Türkmen atçylyk sport merkezleri, halkara sergiler, baýramçylyk dabaralary we bäsleşikler türkmen bedewleriniň şöhratyny artdyrýar. Türkmen bedewleriniň dünýäniň dürli künjeklerinde ýaryşlarda ýeňiji bolmagy biziň halkymyzyň atçylyk sungatynyň kämilliginiň subutnamasydyr.
Gahryman Arkadagymyzyň we Arkadagly Gahryman Serdarymyzyň taýsyz tagallalary bilen türkmen bedewleri dünýäde uly meşhurlyga eýe bolýar. Goý, başymyzyň täji bolan türkmen bedewleriniň şöhraty mundan beýläk hem dünýä dolsun! Goý, Gahryman Arkadagymyzyň we Arkadagly Gahryman Serdarymyzyň janlary sag, ömürleri uzak, tutýan tutumly işleri hemişe rowaç bolsun!
Begmedow Ylýas Aganazarowiç,
Lebap welaýatynyň Çärjew etrabynyň 30-njy orta mekdebiniň iňlis dili mugallymy
