elkitap programmasy ulanyjylara türkmen, rus, iňlis, türk we nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Kitaphanada 15 müňe golaý kitap bar
Ýerli sanly hyzmat 2026-njy ýylyň ýanwarynda işe girizildi. Häzirki wagtda elkitap kitaphanasynda dürli ugurlara degişli 15 müňe golaý kitap ýerleşdirilýär. Ulanyjylar programmada daşary ýurt edebiýatyny, psihologiýa we işewürlik baradaky kitaplary, fantastik eserleri, şeýle hem okuw üçin niýetlenen edebiýatlary tapyp bilerler. Anime we komiks söýüjiler üçin bolsa manga we komiksleriň täze tapgyrlary yzygiderli goşulýar.
iOS we Android üçin elýeterli
Oleg Sanjiýewiň sözlerine görä, elkitap programmasyny iOS we Android ulgamlaryna ýükläp bolýar. Häzirki wagtda hyzmatdan peýdalanýanlaryň sany eýýäm 12 müňe ýetdi.
Ýedi günlük mugt synag möhleti
Täze ulanyjylar programmanyň mümkinçilikleri bilen tanyşmak üçin 7 günüň dowamynda mugt peýdalanyp bilerler. Synag möhleti tamamlanandan soň, hyzmaty aýda 35 manatlyk abuna arkaly ulanmagy dowam etdirmek bolýar.
Esasy maglumatlar:
- Hyzmat: elkitap
- Diller: türkmen, rus, iňlis, türk we nemes
- Mazmun: elektron we audiokitaplar
- Kitaphanadaky kitaplaryň sany: 15 müňe golaý
- Ulanyjylaryň sany: 12 müň
- Platformalar: iOS we Android
- Mugt synag möhleti: 7 gün
- Aýlyk abuna: 35 manat
- Hyzmatyň işe girizilen wagty: 2026-njy ýylyň ýanwary
