GADYMY ÄNEW MEDENIÝETI — HALKYMYZYŇ GYMMATLY MIRASY

Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi türkmen medeniýetini dünýä ýaýmakda ägirt uly ähmiýete eýe bolan wakalaryň birine öwrüldi. «Tür­ki dün­ýä­si­niň me­de­ni paý­tag­ty» at­ly mak­sat­na­ma tür­ki halk­la­ryň me­de­ni müm­kin­çi­lik­le­ri­ni açyp gör­kezmek bilen, ola­ryň mi­ra­sy bi­len ta­nyş­dyr­ma­ga gö­nük­di­ri­len­dir. Bu bolsa, her ýyl­da tür­ki dil­li ýurt­la­ryň şä­herle­ri­niň dö­re­di­ji­lik ta­ry­hy­na ün­si çek­me­gi göz öňün­de tutýar we tür­ki halk­la­ryň ta­ry­hyň do­wa­myn­da eme­le ge­len gat­na­şyk­la­ry­na, me­de­ni­ýet ul­ga­myn­daky hyz­mat­daş­ly­gyna esas­lan­ýar.

Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly kitabyny halkymyza sowgat bermegi biziň ählimiz üçin çuňňur buýsanjyň gözbaşy bolup, bagtyýar halkymyzy täze-täze üstünliklere ruhlandyrýar.

Kitabyň girişinde türkmen halkynyň özboluşly taryhy-medeni mirasy, bu ugurda döwlet maksatnamalarynyň durmuşa geçirilişi, daşary ýurtly hyzmatdaşlar, şol sanda abraýly halkara guramalar we köp sanly beýleki ýurtlaryň öňdebaryjy ylmy merkezleri bilen netijeli hyzmatdaşlyk barada maglumat berilýär. Şunuň bilen baglylykda, BMG-niň iri ýöriteleşdirilen düzümi bolan ÝUNESKO, şeýle hem TÜRKSOÝ bilen hyzmatdaşlygyň köpýyllyk tejribesine, gazanylan üstünliklere aýratyn üns çekilýär. Eserde öňe sürülýän garaýyşlar onuň üç bapdan ybarat mazmunynda giňden beýan edilýär. «Gadymy Änewiň täsinligi», «Taryhy birleşdirýän uly wakalar», «Ahal ýaýlasynda gadymy Änewiň şöhratly ýoly dowamata uzaýar» atly baplardan hem-de «Rowaýata öwrülen geçmiş», «Gatar – Bagabat – Änew», «Gadymy Änew medeniýeti», «Änewiň arheologik däpleriniň öwrenilişiniň taryhyndan», «Änew medeniýeti we türki dünýä», «Geçmişiň syry galan toprak», «Watan hakyndaky müdimi owaz» atly bölümlerden ybarat bolan bu eser Magtymguly Pyragynyň doglan gününiň 300 ýyllyk şanly senesine beslenýän hem-de TÜRKSOÝ-nyň çözgüdi esasynda “Türki dünýäsiniň beýik şahyry we akyldary Magtymguly Pyragy ýyly” diýlip yglan edilen şu ýylda türkmen halkyna ajaýyp sowgat boldy.

Guwanç HYDYROW,

Türkmen oba hojalyk institutynyň

Sanly dolandyryş taýýarlyk ugrunyň talyby