Berkarar döwletimiziň täze eýýamynyň Galkynyşy döwründe “Pähim – paýhas ummany Magtymguly Pyragy” ýylyny her bir güni şanly wakalara, toý-baýramlara beslenýär. 18-nji maý goşa mukaddesligiň – Türkmenistanyň Konstitusiýasynyň we Türkmenistanyň Döwlet baýdagynyň güni hökmünde milli senenamamyzda aýratyn ähmiýetli şanly senedir. Türkmenistanyň içerki we daşary syýasaty adamzat gymmatlyklarynyň ileri tutulýan ugurlaryna, milli kanunçylygyň kadalaryna we adam hukuklary we halkara hukuklaryna esaslanýar. Türkmenistanyň Esasy kanuny dünýä parahatçylygynyň we ösüşiň bähbidine giň halkara hyzmatdaşlygy ösdürmäge we çuňlaşdyrmaga gönükdirilendir.
Türkmenistanyň Konstitusiýasy halkymyzyň hukugynyň we azatlygynyň, abadançylygynyň we rowaçlygynyň, durnuklylygyň we ylalaşygyň ygtybarly kepilidir. Asuda asmanda parlaýan ýaşyl Baýdagymyz eziz Watanymyzyň azatlygynyň we nurana geljeginiň nyşanydyr.
Esasy Kanunymyz hem-de Döwlet baýdagymyz biziň şanly geçmişimiziň, şöhratly döwrümiziň we beýik geljegimiziň belentligini, agzybirligimiziň, abraý–mertebämiziň synmazlygyny alamatlandyrýan milli gymmatlyklarymyz hasplanýar. Türkmenistanyň Konstitusiýasy ýurdumyzda amala aşyrylýan özgertmeler, ösüşler nazara alnyp, yzygiderli kämilleşdirilýär.
Türkmenistanyň Esasy Kanuny adamy jemgyýetiň hem-de döwletiň iň ýokary gymmatlygy hökmünde kesgitläp, raýatlaryň hukuklarynyň we azatlyklarynyň ygtybarly kepili, Arkadagly Gahryman Serdarymyzyň baştutanlygynda ýurdumyzyň mundan beýläk-de gülläp ösmegine, ähli halkymyzyň bagtyýar durmuşynyň üpjün edilmegine gönükdirilen durmuş-ykdysady özgertmeleriň baş binýady bolup durýar. Ata-babalarymyzyň nesillerine wesýet eden Watany söýmek, oňa gulluk etmek, hoşniýetlilik we adalatlylyk ýaly asylly ýörelgeleri ýurdumyzyň Konstitusiýasynyň özenini düzýär. Bu gün Garaşsyz, Bitarap döwletimiziň Konstitusiýasynyň kabul edilmeginiň 32 ýyllygynyň uly dabara beslenmegi, ata-babalarymyzyň ýörelgelerine uly hormat-sarpa goýulýandygynyň beýanydyr.
Ýurdumyzyň Konstitusiýasy esasy ugurlary özünde jemlemek bilen, ol döwletimizde amala aşyrylýan özgertmeler, durmuşyň ähli ulgamlarynyň sazlaşykly ösüşi nazara alnyp, baýlaşdyrylýar we kämilleşdirilýär. Häzirki döwürde bu resminama düýpli mazmuny, Adam hukuklary baradaky ählumumy Jarnamanyň, raýatlyk we syýasy hukuklar, ykdysady, durmuş hem-de medeni hukuklar baradaky halkara resminamalaryň esasy ýörelgelerini hem-de ugurlaryny özünde jemleýär.
Döwletimiziň mukaddes tugy milli ýörelgeler, ruhy gymmatlyklar bilen bir bitewi sazlaşygy emele getirip, döwürleriň we nesilleriň arabaglanyşygyny özünde jemleýär. Onda halkymyzyň şöhratly taryhy, şu günki bagtyýar durmuşy, nurana geljege bolan umyt-arzuwlary öz beýanyny tapýar. PähiGoý, başymyzyň täjine deňelýän Döwlet Baýdagymyz asuda asmanymyzda parahatçylygyň, bagtyýarlygyň nyşany hökmünde baky parlasyn!
Şeýle ajaýyp zamanany, berkararlygy, bagtyýarlygy peşgeş berip, halkyny bagtly durmuşda ýaşadýan Gahryman Arkadagymyzyň we Arkadaly Gahryman Serdarymyzyň janlary sag, ömrleri uzak bolsun, alyp barýan il-ýurt bähbitli, döwlet ähmiýetli beýik işleri rowana ýollarda rowaçlyklara beslensin!
Aýgül HALLYÝEWA,
Türkmen oba hojalyk institutynyň talyby
