Oraza aýynda agyz beklenýän we açylýan wagtlary-2024

Remezan – musulman senenamasynyň dokuzynjy aýydyr, şol döwürde musulmanlar 30 günlük säherden agşama çenli agyz bekläp, Oraza tutýarlar we aýyň ahyrynda Oraza baýramyny belleýärler.

Mukaddes Remezan aýy

Diňe bir berk agyz beklenýän wagt däldir. Ol ruhy arassalygyň nyşanydyr, günäli pikirlerden saplanmaga we Gudratygüýçlä wepalylygyňy subut etmek üçin ýagşy işleri etmäge mümkinçilikdir.

2024-nji ýylda Remezan aýy haçan başlanýar we gutarýar?

Mukaddes aýyň başlangyjy we ahyry her ýyl dürli senelere düşýär, çünki ol aý senenamasy esasynda kesgitlenýär. 2024-nji ýylda Remezan 11-nji martyň säheri bilen başlanar we 9-njy apreliň gijesine çenli dowam eder. 10-njy apreliň säherinde bolsa Oraza baýramy belleniler.

Oraza tutmak Günüň dogmagy bilen başlanýar we Gün ýaşanda tamamlanýar. Bu döwürde agyz beklemek dowam edýärkä säherden agşama çenli musulmanlar nahar iýmeli we suw içmeli däldirler.

Şonuň üçin hem mukaddes Remezan aýynyň her gününi haçan dogry başlamalydygyny we tamamlamalydygyny bilmek möhümdir. Şunda 2024-nji ýylyň her güni üçin Oraza meýilnamasy kömek edip biler, onda Günüň dogmagy we ýaşmagy bilen baglanyşykly agyz beklenilýän (Gün dogmanka nahar edinmek) we agyz açylýan (agşamlyk nahary) wagtlary görkezilýär.

Agyz beklenende okalýan doga

Neweýtu en esume sawme şehra ramezane minel-fejri ilel-magribi halisan lillähi tagala. Allahu ekber.

Agyz açylanda okalýan doga

Allahume leke sumtu we bike ämentu we alä rizkyke eftartu we lisawmi gadin neweýtu fagfirli  ýä gaffäru mä kaddemtu we mä ehhartu. Birahmetike ýä erhamer-rahymin

(Çeşme: Türkmenistanyň Müftüsiniň müdüriýeti)