PÄHIM-PAÝHAS UMMANY MAGTYMGULY PYRAGY

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda türkmen halkynyň baý hem-de şöhratly taryhyny we medeni mirasyny ylmy esasda öwrenmekde, ony nesillerimize ýetirmekde we gorap saklamakda uly işler alnyp barylýar.

Türkmen halkynyň buýsanarlyk taryhy bar, şeýle şan-şöhratly taryhyň döremegine sebäp bolan beýik şahsyýetleri-de kän. Türkmen nusgawy edebiýaty arkaly ynsan aň-düşünjesiniň kämilleşmeginde we baýlaşmagynda uly hyzmatlary bitirip, watançylyk ruhly söz gudratyny döreden akyldar şahyrlarymyzyň biri hem Magtymguly Pyragy.

Häzirki günde ýaş nesli terbiýelemekde türkmen halkynyň taryhyny, ruhy dünýäsini bilmekde Magtymguly Pyragynyň eserleri gymmatly çeşme bolup hyzmat edýär. Mag­tym­gu­ly Py­ra­gy­nyň dö­re­di­ji­lik mi­ra­sy äh­li yn­san­la­ryň köň­lün­de uly orun eýe­le­ýär. Şa­hy­ryň eser­le­ri ýyl­lar, asyr­lar geç­se-de, özü­niň gym­ma­ty­ny ýi­tir­me­ýär. Beýik şahyryň şy­gyr­la­ryn­da öňe sü­rül­ýän pi­kir­ler umu­ma­dam­zat gym­mat­lyk­la­ry­nyň de­re­je­sin­de dur­ýar. Akyldar şahyryň döredijiliginiň özeni watançylyk söýgüsinden başlanýar. Onuň watansöýüjilik, halallyk, pespällilik, adamkärçilik duýgulary bilen bezelen çuň many-mazmunly eserleri halkymyzyň ruhy baýlygy bolup, türkmen nusgawy edebiýatymyzyň genji-hazynasyna öwrüldi. Ýaş ne­sil­le­re Wa­ta­na söý­gi dö­ret­mek, mert­lik, gaý­duw­syz­lyk, il-gü­ne we­pa­dar­lyk ýa­ly asyl­ly ýö­rel­ge­ler şa­hy­ryň goş­gu­la­ry­nyň öze­ni­ni düz­ýär. Şo­nuň üçin hem akyl­dar şa­hy­ryň goş­gu­la­ry halk için­de giň­den aý­dyl­ýar we ne­sil ter­bi­ýe­sin­de gym­mat­ly ha­zy­na bo­lup dur­ýar. Şa­hy­ryň «Aty ge­rek», «Mert bi­lä­ni», «Meý­dan ýo­luk­sa», «Beg­ler» ýa­ly goş­gu­la­ry mert­li­gi, gaý­duw­syz­ly­gy öwüt-ün­dew ed­ýär. Şeý­le goş­gu­lar ne­sil­le­ri mer­da­na­lyk, wa­tan­sö­ýü­ji­lik mek­de­bin­de ter­bi­ýe­le­mek­de örän mö­hüm­dir, çün­ki bu şy­gyr­la­ryň ma­ny-maz­mu­nyn­da türk­men hal­ky­nyň asyl­ly ýö­rel­ge­leri­ni gör­mek bol­ýar.

Magtymguly Pyragynyň doglan güniniň 300 ýyllygy mynasybetli 2024-nji ýylyň «Pähim-paýhas ummany Magtymguly Pyragy» ýyly diýlip atlandyrylmagy türkmen halkynyň göwün guşuny ganatlandyrdy.

Ruhy gymmatlyklarymyzy dikeltmäge, milli medeniýetimizi we sungatymyzy dünýä ýaýmaga mümkinçilik döredýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, belent başlary aman, il-ýurt bähbitli ähli tutumly işleri we başlangyçlary elmydama rowaç bolsun!

Aýgül HALLYÝEWA,

Türkmen oba hojalyk institutynyň talyby