TÜRKMEN HALYSY — GÖZELLIGIŇ NUSGASY

Asyrlaryň dowamynda sünnälenip, kämillik, sungat derejesine ýetirilen nepis Türkmen halysy – türkmen halkynyň medeni gymmatlyklarynyň esaslarynyň biridir. Türkmen halysynda gelin-gyzlar türkmen tebigatynyň jadylaýjy sazlaşygy ýüze çykarmagy başarýarlar. Türkmen glüniň esasynda ajaýyp nagyşlar ýüze çykýar. Ussat türkmen halyçylary köp asyrlaryň dowamynda özboluşly halyçylygyň aýratynlyklaryny gorap saklap gelipdirler. Mälim bolşy ýaly, türkmen halysy asyrlaryň jümmüşinden gözbaş alyp, öz nagyşlarynda taryhy we halkyň ruhy-ahlak gymmatlyklaryny şöhlelendirýär.

Türk­men gelin-gyzlarynyň uz bar­mak­la­ry­nyň gud­ra­tyndan dö­re­ýän ha­ly önüm­le­ri türk­me­niň dur­mu­şy­ny be­ze­ýär. Ir­ki dö­wür­ler­de ata-ba­ba­la­ry­my­zyň dö­re­den «Agyr ha­ly­ny ka­kyp bol­maz, ow­nuk daşyn dö­küp bol­maz» ma­ta­lyn­dan as­man gi­ňiş­li­gi­niň äpet ha­la, onuň ýyl­dyz­la­rynyň bol­sa ha­ly göl­le­ri­ne meň­ze­dil­me­gi bu aja­ýyp sun­ga­tyň mu­kad­des­li­ginden ha­bar ber­ýär.

2019-njy ýylyň 12-nji dekabrynda ÝUNESKO-nyň Maddy däl medeni mirasy goramak boýunça Hökümetara komitetiniň nobatdaky 14-nji mejlisiniň dowamynda “Türkmenistanyň milli halyçylyk sungatyny” Adamzadyň maddy däl medeni mirasynyň görnükli sanawyna girizmek baradaky karar bir agyzdan kabul edildi. Bu bolsa türkmen halysynyň dünýä derejesindäki abraýynyň has-da belende galandygynyň aýdyň subutnamasydyr.

Öň­ki dö­wür­ler­de bol­şy ýa­ly, hä­zir­ki dö­wür­de-de da­şa­ry ýurt­lu­lar türk­men ha­ly­la­ry­ny örän sar­pa­la­ýar­lar. Mil­li ha­ly sun­ga­ty­myz bu gün­ki gün da­şa­ry ýurt­lar­da we öz ýur­du­myz­da ge­çi­ril­ýän hal­ka­ra ser­gi­le­re gat­naş­dy­ryl­ýar. Türkmen ha­ly­la­ry hal­ka­ra ser­gi­le­rin­de da­şary ýurt­ly ha­ly­şy­nas­la­ryň söý­gü­si­ne, ýo­ka­ry ba­hasy­na my­na­syp bol­ýar.

Selbi PIRNAZAROWA,

Türkmen oba hojalyk institutynyň talyby