Halkara robototehnika, emeli aň we tehnologiýa ýaryşlarynda Türkmenistanyň ýaşlary uly üstünliklere ýetmäne dowam etdirýärler. 2026-njy ýylyň 2-7-nji awgusty aralygynda Beýik Britaniýanyň London şäherinde geçirilen “IWISE Global Final London 2026” atly abraýly halkara bäsleşiginde Türkmenistanyň mekdep okuwçylary uly üstünlik gazandylar. Dünýäniň 25 döwletinden gelen okuwçylaryň gatnaşmagynda geçen bäsleşikde ýurdumyzyň ýygyndysy jemi 10 medal (6 altyn, 4 kümüş) eýeledi.
Bäsleşigiň ugurlary we ýolbaşçylar
Bäsleşige ýurdumyzyň mekdeplerinden saýlanan 10 sany okuwçy gatnaşdy. Talyplara we okuwçylara Myrat Sähetgulyýew (Arkadag şäheriniň 1-nji ýöriteleşdirilen okuw-terbiýeçilik toplumynyň informatika mugallymy) ile Goçmyrat Baýramow (Aşgabat şäheriniň 97-nji orta mekdebiniň taryh mugallymy) ýolbaşçylyk etdiler. Okuwçylar çyzygy yzarlaýan robot (Line follower), labirintden çykalga tapýan robot (Maze solving) we kiçi göreşiji robot (Mini-sumo) ugurlary boýunça bäsleşdiler.
Altyn we Kümüş medallary gazanan okuwçylar
Altyn medal gazananlar:
Resulberdi Orazberdiýew, Salyh Kakalyýew, Resul Geldiýew (Aşgabat şäheriniň 97-nji orta mekdebi)
Selim Begmuradow (Aşgabat şäheriniň 7-nji orta mekdebi)
Nurmyrat Kulow (Aşgabat şäheriniň 87-nji orta mekdebi)
Mälikmyrat Annamuradow (Berdimuhamet Annaýew adyndaky 1-nji ýöriteleşdirilen harby mekdep)
Kümüş medal gazananlar:
Salyh Altyýew (Aşgabat şäheriniň 97-nji orta mekdebi)
Rozymyrat Ýagşymyradow (Aşgabat şäheriniň 13-nji orta mekdebi)
Ebubekir Berdiýew (Arkadag şäheriniň 3-nji orta mekdebi)
Umyt Atamyradow (Arkadag şäheriniň 2-nji orta mekdebi)
Mundan başga-da, okuwçylarymyzyň bäşisi ýaryşda aýratyn tapawutlanyp, “Iň gowy gatnaşyjy” (Best of the best) diýlip yglan edildi we olara ýörite pul baýraklary gowşuryldy.
