Türkmenistanyň Döwlet migrasiýa gullugy 2024-nji ýylyň 1-nji aprelinden Gullugyň Lebap welaýaty boýunça müdirliginiň Darganata etrap bölüminde, Balkan welaýaty boýunça müdirliginiň Gyzylarbat etrap bölüminde hem-de Mary welaýaty boýunça müdirliginiň Tagtabazar etrap bölüminde raýatlara biometriki pasportlary resmileşdirmek hyzmatlaryny amala aşyryp başlady.
Türkmenistanyň Döwlet migrasiýa gullugy özüniň öňünde goýlan wezipeleri birkemsiz ýerine ýetirmekde bu ugurdaky işleriň gerimini has-da giňeltmek maksady bilen biometriki pasportlary resmileşdirmegiň täze nokatlaryny açdy. Bu barada Türkmenistanyň Döwlet migrasiýa gullugy ýekşenbe güni habar berdi.
Şeýle hem raýatlara biometriki pasportlary resmileşdirmekde resminamalar elektron görnüşinde doldurylyp, raýatyň maglumatnamasyna ýelmenilýän surat elektron görnüşinde çap edilýär.
Mundan başga-da, Türkmenistanyň Ýaragly Güýçleriniň, beýleki goşunlarynyň we harby edaralarynyň düzüminde harby gullugy geçýän harby gullukçylaryň, kazyýet we hukuk goraýjy edaralarynyň işgärleriniň we olaryň maşgalalarynyň arzalary Türkmenistanyň çäklerinde hemişelik ýaşaýan ýerleri boýunça ýazga alnan ýa-da Türkmenistanyň çäklerinde wagtlaýyn ýaşaýan ýerleri boýunça hasaba alnan, şeýle hem zerur halatlarda olaryň işleýän ýerleri boýunça Türkmenistanyň kanunçylygynda bellenen tertipde kabul edilýär.
Bulary hem halap bilersiniz
Türkmenistanyň raýatynyň biometriki maglumatly pasporty Türkmenistanyň raýatyna Türkmenistandan gitmek we Türkmenistana gelmek üçin hukuk berýän hem-de daşary ýurt döwletlerinde bolanda onuň şahsyýetine güwä geçýän resminama bolup durýar.
Mary welaýatynyň Tagtabazar etrabynda biometrik pasport nokady
2024-nji ýylyň 1-nji aprelinden başlap Tagtabazar etrabynyň ýaşaýjylary Türkmenistanyň raýatynyň biometriki maglumatly pasportyny almak üçin Türkmenistanyň Döwlet migrasiýa gullugynyň Tagtabazar etrap bölümine ýüz tutmalydygyňyzy habar berýäris.
Salgy: Tagtabazar etrabynyň Tagtabazar şäherçesiniň Beknazarow köçesiniň 4-nji jaýy
Telefon: 800568-30-4-98
Balkan welaýatynyň Gyzylarbat etrabynda biometrik pasport nokady
2024-nji ýylyň 1-nji aprelinden başlap Gyzylarbat we Magtymguly etraplarynyň ýaşaýjylary Türkmenistanyň raýatynyň biometriki maglumatly pasportyny almak üçin Türkmenistanyň Döwlet migrasiýa gullugynyň Gyzylarbat etrap bölümine ýüz tutmalydygyňyzy habar berýäris.
Salgy: Gyzylarbat etrabynyň Gyzylarbat şäheriniň Şirgeldi Paltaýew köçesiniň 2-nji jaýy
Telefon: 800246 5-28-77
Lebap welaýatynyň Darganata etrabynda biometrik pasport nokady
2024-nji ýylyň 1-nji aprelinden başlap Darganata etrabynyň ýaşaýjylary Türkmenistanyň raýatynyň biometriki maglumatly pasportyny almak üçin Türkmenistanyň Döwlet migrasiýa gullugynyň Darganata etrap bölümine ýüz tutmalydygyňyzy habar berýäris.
Salgy: Darganata etrabynyň Gazojak şäheriniň Azady köçesiniň 161-nji A jaýy
Telefon: 800445 5-12-27
Salgylar we telefon belgileri Atavatan Türkmenistan web sahypasynda çap edildi.
