«Türkmentelekom» kompaniýasy simsiz internet infrastrukturasyny ösdürmegi dowam etdirýär we Aşgabat şäherindäki köpçülikleýin ýerlerde, paýtagtyň halkara howa menzilinde hem-de ýurduň iň iri şypahanalarynyň çäginde TELECOMWIFI toruna amatly elýeterliligi üpjün edýär.
Aşgabadyň ýaşaýjylary we myhmanlary şäheriň meşhur ýerlerinde dürli nyrhnamalar boýunça internet toruna birigip bilerler.
Mundan başga-da, kompaniýa «Arçman», «Baýramaly», «Mollagara», «Farap», «Daşoguz» we «Bagabat» şypahanalarynda dynç alýanlar üçin amatly çözgütleri hödürleýär.
Nyrhnamalar we giriş nokatlary barada doly maglumat kompaniýanyň resmi web-saýtynda ýerleşdirilendir: telecom.tm/ru/wifi. Ähli soraglar boýunça 071 belgili goldaw gullugyna ýüz tutup bilersiňiz.
Türkmenistanda dünýä meýillerine eýerilip, hünärmenlere we adaty ulanyjylara aragatnaşyk üçin çykdajylaryny netijeli dolandyrmaga hem-de hemişe onlaýn bolmaga mümkinçilik berýän çözgütler işjeň ornaşdyrylýar.
Ykjamlygy halaýan ulanyjylar üçin «TM CELL» («Altyn Asyr» ÝGPJ) milli operatory internet-bukjalarynyň giň toplumyny hödürleýär. Şu günki günde işjeň ulanyjylar üçin iň amatly çözgütleriň biri hem 20 GB möçberindäki internet-bukjasydyr. Onuň serişdeleri agramly wideo-kontentler, grafiki maketler bilen amatly işlemäge, wideo-maslahatlara gatnaşmaga we ýurdumyzyň islendik nokadynda taslamalary dolandyrmaga doly mümkinçilik berýär.
Internet-bukjasyny *0850*200# USSD-buýrugyny ulanmak arkaly smartfondan birnäçe sekundyň dowamynda birikdirip bolýar. Beýleki nyrhnamalar baradaky giňişleýin maglumatlar «TM CELL» operatorynyň resmi saýtynda elýeterlidir.
Şol bir wagtyň özünde, «Türkmentelekom» elektrik aragatnaşyk kompaniýasy öýüň ýa-da edara-kärhananyň daşynda durnukly we çäksiz internete mätäç bolanlar üçin «TELECOMWIFI» simsiz ulgamyny ösdürmek arkaly mümkinçiliklerini giňeldýär. Bu şäheriň gelşikli künjeklerinde ýa-da dynç alyş pursatlarynda işlemegi makul bilýän hünärmenler we döredijilik adamlar üçin iň amatly saýlawdyr.
Häzirki wagtda ýokary tizlikli Wi-Fi hyzmaty paýtagtymyzyň «Berkarar», «Arkaç» we «Garaşsyzlygyň 15 ýyllygy» söwda merkezlerinde, şäher bazarlarynda hem-de «Altyn asyr» Gündogar bazarynda, Aşgabadyň Halkara howa menzilinde, şeýle hem «Arçman», «Baýramaly», «Mollagara», «Farap», «Daşoguz» we «Bagabat» şypahanalarynda elýeterlidir.
Nyrhnamalar ulgamy örän amatly görnüşde düzülendir. Internet hyzmatyna bir sagatlyk, bir gije-gündizlik ýa-da bir aýlyk möhlet bilen çäksiz birigip bolýar. Şypahanalarda bolsa 10 günlük ýörite amatly nyrhnamalar hem göz öňünde tutulandyr.
Hyzmatlaryň nyrhy we ähli nokatlaryň ýerleşýän ýerleri barada jikme-jik maglumatlary saýtyndantapyp bilersiňiz. Goşmaça soraglar boýunça 071 belgili goldaw gullugy kömege taýýardyr.
