«Türkmenpoçta» poçta aragatnaşyk kärhanasy sanlylaşdyrmak syýasatynyň çäklerinde «ÇaparPay» ykjam programmasynda «Elektron awans depderçesi» atly täze hyzmaty işe girizdi. Bu sanly çözgüt adaty kagyz görnüşindäki awans depderçeleriniň ornuny tutup, ulanyjylara poçta we beýleki hyzmatlaryň tölegini birnäçe basyş bilen tiz amala aşyrmaga mümkinçilik berýär.
Hyzmatyň işleyiş tertibi we balansy doldurmak
Täze hyzmatdan peýdalanmak üçin ilki bilen «ÇaparPay» programmasynda hasaba durmaly we özboluşly identifikasiýa (ID) belgisini almaly. Elektron balansy aşakdaky usullar bilen dolduryp bolýar:
Poçta aragatnaşyk bölümlerinde nagt pul arkaly;
Bank geçirmesi arkaly;
Bank kartlary arkaly.
Töleg amallary we mümkinçilikleri
Balans doldurylandan soň, ulgamyň özi hasapdaky serişdäni awtomatiki barlap degişli möçberi aýyrýar we töleg üstünlikli geçenden soň ulanyja SMS tassyklamasy gönderilýär.
Elektron awans depderçesi arkaly «ÇaparPay»-daky ähli hyzmatlaryň tölegini geçirmek, ulgamyň beýleki ulanyjylaryna pul geçirmek hem-de amallaryň taryhyny görjek bolmak mümkindir. Ulanyjylar bir gezek balansy dolduryp, kagyz resminamalarsyz rahat töleg geçirip bilerler.
