3-nji fewralda Türkmenistanyň Prezidenti Gurbanguly Berdimuhamedow iş sapary bilen Hytaýyň paýtagty Pekin şäherine ugrady. Ol ýerde türkmen Lideri Hytaý Halk Respublikasynyň Başlygy Si Szinpiniň çakylygy boýunça XXIV gyşky Olimpiýa oýunlarynyň (Beijing 2022) açylyş dabarasyna gatnaşar.
Ýeri gelende bellesek, XXIV gyşky Olimpiýa oýunlary 4 — 20-nji fewral aralygynda Hytaýyň paýtagty Pekin şäherinde geçiriler. Bu Olimpiýa oýunlarynda 2 müň 871 türgen baýrakly orunlary eýelemek üçin bäsleşer. Pekin Olimpiadasy köp sanly türgeniň gatnaşjak sport ýaryşlarynyň biri bolar. Oňa 91 döwletden 1 müň 581 erkek we 1 müň 290 zenan türgen gatnaşýar.
