Her ýylyň 16-njy oktýabrynda bellenilýän Bütindünýä azyk güni, 1979-njy ýylda BMG-niň Azyk we oba hojalygy guramasynyň (FAO) konferensiýasynda yglan edildi. 1945-nji ýylyň 16-njy oktýabry Birleşen Milletler Guramasynyň Azyk we oba hojalygy guramasynyň (FAO) senesi hökmünde saýlandy. Şondan bäri dünýäniň 150-den gowrak ýurdy her ýyl bu şanly senäni giňden belleýär. Dünýä ýurtlary ilkinji gezek dünýädäki açlygy ýok etmek we dünýä ilatyny iýmit bilen üpjün edip biljek durnukly oba hojalygyny ösdürmek üçin şert döretmekde iň möhüm meseleleriň birini resmi taýdan yglan etdiler.
Günüň maksady, dünýädäki azyk meselesi barada köpçülige habar bermekden ybaratdyr. Bu gün, “üçünji dünýä” ýurtlarynyň ýagdaýyny ýeňletmek üçin möhüm ähmiýete eýe bolan dürli haýyr-sahawat çäreleri geçirilýär; dürli parahatçylygy goraýyş guramalary tebigy betbagtçylyklardan ejir çeken sebitlere kömek berýär. Jemgyýetiň işjeň agzalary bu günde dürli kongreslere we konferensiýalara gatnaşýarlar. Açlygyň we iýmitlenmezligiň tutuş materikleriň genofondyny pese gaçyrýandygy anyklandy.
1981-nji ýyldan başlap, Bütindünýä azyk güni ýyllar boýunça “Açlyga garşy ýaşlar”, “Açlykdan azatlygyň müňýyllygy”, “Açlyga garşy halkara bileleşigi”, “Oba hojalygy we medeniýet ara gepleşik”, “Iýmit hukugy”, “Azyk howpsuzlygyna ýetmek” krizis döwründe ”, “Açlyga garşy agzybirlik”, “Oba hojalyk kooperatiwleri dünýäni iýmitlendirýär” , “Maşgala ekerançylygy: dünýäni iýmitlendiriň – planetany halas ediň”, “Sosial gorag we oba hojalygy: garyplygynyň aýlawyny bozmak”, “Howa üýtgeýär we onuň bilen azyk hem-de oba hojalygyny üýtgedýär”, “Geliň, migrasiýa akymlarynyň geljegini üýtgedeliň. Azyk howpsuzlygyna we oba ösüşine maýa goýýarys ” ýaly mowzuklar bilen geçirilýär. Bu, tizara çözülmeli meseleleri görkezmek we jemgyýeti iň derwaýys meseleleri çözmäge gönükdirmek üçin ýola goýuldy.
Türkmen oba hojalyk institutynyň mugallymy
 yglan edildi.){kind=link}