“Ahal” topary Türkmenbaşy şäheriniň “Şagadam” toparyndan üstün çykyp Türkmenistanyň Kubogyny gazandy. Aşgabat şäheriniň “Nusaý” stadionynda geçirilen aýgytlaýjy duşuşykda “Ahal” garşydaşyndan 5:0 hasabynda üstün çykmagy başardy. “Ahal” toparynyň Kubok bäsleşigindäki ýeňşini baş tälimçi Mergen Orazowyň ýolbaşçylygynda gazanandygyny bellemek gerek. “Ahal” topary 2013-nji, 2014-nji hem-de 2017-nji ýyllarda ýeňiş gazanmak bilen taryhynda dördünji gezek ýurdumyzyň Kubok bäsleşiginiň ýeňijisi boldy. “Ahal” topary finala
barýan ýolda “Merw” bilen “Altyn Asyr” toparlaryny, “Şagadam” bolsa “Energetik” hem-de “Aşgabat” toparlaryny utmagy başarypdy. Ýeňiji bolan topara baýraklary TFF-nyň Baş sekretary Annabaýram Durdymämmedow gowşurdy. “Ahal” topary ýakynda Türkmenistanyň çempiony bolmagy hem başardy.
Gurbanmyrat REJEPOW,
Türkmen oba hojalyk institutynyň mugallymy
